Жъоныгъуак1эм (маим) и 21-рэу 2010-рэ илъэсым Адыгэ лъэпкъ гъэк1одыр зыщы1агъэр илъэси 146-рэ зэрэхъурэр миллиони 6 икъурэ адыгэхэм - хэкум исыхэми, хэхэсым щыпсэухэрэми - хагъэунэфык1ы. Мы мафэм ехьыл1агъэу ык1и Шъачэ (Сочи) Олимпиадэр зэрэщы1эщтым пэш1уек1оу адыгэхэмк1э Жъоныгъуак1эм и 21-м Урысые Федерацием ипосольствэхэм ык1и ООН-м иунэ адэжь митингэу ащызэхэтщэщтхэм шъуахэлэжьэнэу шъукъетэгъэблагъэ, - къыще1о тхыгъэм.

Хабзэ зэрэхъугъэу, Урыс-Кавказ заом хэкIодагъэхэм яшъыгъо-шIэжь мафэ жъоныгъуакIэм и 21-м тиреспубликэ щыхагъэунэфыкIы. Мыщ фэгъэхьыгъэ Iофтхьабзэхэр АР-м гъэсэныгъэмрэ шIэныгъэм­рэкIэ ыкIи культурэмкIэ иминистерствэхэм, АР-м лъэпкъ IофхэмкIэ, Iэ­кIыб къэралхэм ащыпсэурэ тилъэпкъэгъухэм адыряIэ зэпхыныгъэхэмкIэ ыкIи къэбар жъугъэм иамалхэмкIэ и Комитет зэхащэх. Мазэм и 21-м республикэм и къэралыгъо филармоние митинг-реквием ­щызэхащэщт.

Адыгэ проблемэм ехьылIагъэу Иорданием конференциеу ЖъоныгъуакIэм (Маим) и 11-13 щырекIокIынэу гъэпсыгъагъэр пэмыкI уахътэ ахьыгъ. «Кавказым (Iодышъэм) ис Адыгэхэм я ныбджэгъу Хасэ» ихэсашъхьэ хэтэу Хьамзэкъо Мухьамэд Натпрессым къызэрэриIуагъэмкIэ конференцием иохътэ лъыгъэкIотэнкIэ унашъор изыхъухьагъэр ежь Хасэр ары. «А уахътэр джыри гъэнэфагъэп, - ыIуагъ ащ, - ау ар хасэм зэригъэнэфагъэм лъыпытэу къэбар къэдгъэIущт».

ТелефонкIэ къатыгъ. Искусствэхэм я Дунэе фестивалэу США-м икъалэу Норфолк щыкIорэм Адыгэ Республикэм и Къэралыгъо Академическэ къэшъокIо ансамблэу «Налмэсыр» хэлажьэ. Дунаим щыцIэрыIо «Налмэсым» ихудожественнэ пащэу Къулэ Мыхьамэд къызэриIуагъэмкIэ, къэшъо композициеу «Си Адыгеир» концерт хэхыгъэмэ къаща-гъэлъагъо. Хэгъэгу 25-мэ яансамблэ 50-м нахьыбэ фестивалым щызэIукIагъ. Англием, США-м, Италием, Урысыем искусствэр зикIасэхэр агъэгушIох.

Тыркум Мараш къалэм и район ГюкусункIэ зэджэ къалэцIыкIум епхауэ адыгэ къуажэ зыбжанэ итысыкIуауэ щопсэухэр. Абы яцIэхэр: ХьэпцIей, Къаншыхуей, Инарыкъуей, Хьэзей (мытIыжькъуажэ), Къэрэхьмэд, Сэрэджыкъ, Къалэкуей, Сали, Фындыкъ, Иэндырей. Мис мы къэбэрдей къуажэхэр тыркум щыIэ Джылахъстэнейращ. Абы къыпэгъунэгъуу Анзурей къуажищыр щысщ: ШыкIуртIакъей, Къуэжэжь, Мэргъущей – жыдоIэри. АдэкIэ уеIэбыхым: Астэмырей.

Егъанэ Ибрахьимэ Къэбэрдэй «Хасэ»-м итхьэмат. Изы репортаж «Черкессия.нет»-ым къихьагъ. КъызэратыгъэмкIэ ар зэхэщакIоу, бэнакIоу икIи полис еджапIэр къыухыгъэу зы кIал. Азгъэ заом хэтыгъэу, Къэбэртэе кIалэмэ ядзэпащэу щытыгъэу, «Абхъазие лIыхъужъ» медалыр къыфагъэшъуэшагъэу ижъырэ зы дзэлI, джы зы Адыгэ/Къэбэртэе ныбжьыкI, хэгъэгукIас. Заом къынэуж Ибрахьимым Iащэр игъэтIылъи мамыр щыIэкIэ гъогур хырихыгъ,«Къэбэртэе» шы лъэпкъ пIуным ыуж ихьагъ...

Урысыем дзюдомкIэ изэнэкъокъухэу Ульяновскэ щыкIуагъэмэ илъэс 23-м нэс зыныбжьхэр ахэлэжьагъэх. Адыгеим ибэнакIохэм пэщэныгъэ адызэрихьагъ. АР-м итренерэу, республикэ ШВСМ-м итренер-кIэлэегъаджэу Бастэ Сэлымэ. Ульяновскэ щызэIукIагъэхэм ащыщхэр Олимпиадэ джэгунхэу 2012-рэ илъэсым Лондон щыкIощтхэм ащытлъэгъунхэу тэгугъэ, - къытиIуагъ Бастэ Сэлымэ. - Зэнэкъокъухэм текIоныгъэр къащыдэзыхыхэрэр УФ-м ихэшыпыкIыгъэ командэ рагъэблэгъэщтых.

Китаим икъалэу Гонконг дунаим изэнэкъокъухэр ушумкIэ щыкIуагъэх. Урысыем ихэшыпыкIыгъэ командэ хэтхэу Адыгэ Республикэм иныбжьыкIэхэр апэрэ чIыпIэхэм афэбэнагъэх. Дышъэу медали 7, тыжьынэу медали 7, джэрзэу 2 тибатырхэм къыдахыгъэх. Адыгэ Республикэм гъэсэныгъэмрэ шIэныгъэмрэкIэ и Министерствэ и СДЮСШОР ушумкIэ зыщызагъасэхэрэм, медальхэр къызыфагъэшъошагъэхэм афэгъэхьыгъэ пресс-зэIукIэр еджа¬пIэм гъэшIэгъо-нэу щыкIуагъ.

Дунаим щыпсэурэ адыгэмэ ямэфэкIхэм джыри зы мафэ къахэхъуагъэу плъытэ хъущт. Дунэе Адыгэ Хасэр кIэщакIо фэхъуи, адыгэ быракъым и Мафэ апэрэу мэлылъфэгъум и 25-м агъэмэфэкIыгъ. Адыгэ Республикэм икъэлэ шъхьаIэу Мыекъуапэ иплощадэу В.И. Лениным ыцIэ зыхьырэр мэфэкI шъуашэкIэ «фэпагъэу» щытыгъ. Республикэм культурэмкIэ и Министерствэ ишIуагъэкIэ пчэгум сценэшхоу къыщызэIуахыгъэм адыгэ быракъэу лъэгъупхъэу щаIэтыгъ.

Мэлылъфэгъум и 25-м Адыгэ быракъым имэфэкI фэгъэхьыгъэ зэхахьэ Мыекъуапэ гъэшIэгъонэу щыкIощт. Республикэ общественнэ движениеу «Адыгэ Хасэм» щыкIогъэ зэIукIэм ныбжьыкIэхэр, IэкIыб хэгъэгумэ къарыкIыжьыгъэхэ тилъэпкъэгъухэр мэфэкIым зэрэхэлэжьэщтхэм щытегущыIагъэх. Тыркуем сыкъикIыжьыгъ, Адыгэ къэралыгъом ибыракъэу жъогъо 12-р къызыхэлыдыкIырэр зэрэбыбатэрэр сэлъэгъу, - еIо Быжь Кая. - УичIыгу уисэу упсэуным имэхьанэ сэркIэ Iоф къызэрыкIоп.