ГъэцэкIэжьынхэм ауж лъэпкъ гупчэу «Нанэ» и Адыгэ унэ къызэIуахыжьыгъ. Ар нахь нэфынэ хъугъэ, дахэу, зэкIужьэу агъэпсыгъ. Джащ фэдэу Беданэкъо Замирэ и Фэйсбук нэкIубгъом къыщетхы.
«Лъэпкъ Iэпэщысэ зэмылIэужыгъоу бэ чIэбгъотэщтыр: нысхъапэхэр, музыкальнэ Iэмэ-псымэхэр, лIэкъо тамыгъэхэр, бгырыпх дахэхэр, пIуаблэхэр ыкIи нэмыкIыбэхэр», - итхыгъэ зылъэгъухэрэм анаIэ тыредзэ.
КъызэрэкIигъэтхырэмкIэ, Унэм ыгузэгу рагъэуцогъэ джэныкъом адыгэхэм ящыIэкIэ-псэукIэ зыфэдагъэр унэгу къыкIегъэуцо.
ЕтIани унэм ибысымхэу Нэгъуцу Аслъанрэ Симэрэ ацIэкIэ хьакIэхэм «Шъуеблагъ!» ареIо.
Шъугу къэтэгъэк1ыжьы, Адыгэ унэр Мыекъопэ гупчэм урамхэу Краснооктябрьскэмрэ Пионерскэмрэ зыщызэхахьэрэм тет.
Натпресс
