Адыгеим гриппымрэ пэтхъуIутхъумрэ зэрарэу мыгъэ къыздахьыгъэр къыщалъытагъ »

Псауныгъэм икъэухъумэнкIэ Адыгэ Республикэм и Министерствэ гриппымрэ пэтхъуIутхъу узымрэ зэрарэу къахьыгъэр щызэфахьысыжьыгъ. Эпидемиер цIыфмэ япсауныгъэ егоогъэ къодыеп, бюджетыми чIэнэгъэшхо иIэ ышIыгъ.

Адыгеим гриппымрэ пэтхъуIутхъумрэ зэрарэу мыгъэ къыздахьыгъэр къыщалъытагъ

Гриппымрэ пэтхъуIутхъумрэ зэрарэу къыздахьыгъэр сомэ миллионишъэрэ тIокIищырэм къехъугъэу (160 000 000) къалъытагъ. ГриппымкIэ зы нэбгырэу сымэджагъэ пэпчъ игъэхъужьын сомэ мин тIокIырэ тIурэ шъибгъурэ (22 900), пэтхъуIутхъур къызнэсыгъэ пэпчъ сомэ мин пшIыкIущырэ шъищырэ тIокIищырэ пшIыкIухырэ (13 376) пэIуагъэхьагъ.

Мы илъэсым пыкIэгъэ уахътэм къыкIоцI гриппкIэ ыкIи пэтхъуIутхъукIэ сымэджагъэу республикэм хъугъэ-шIэгъэ мин пшIыкIутIу (12 000) фэдиз щагъэунэфыгъ. Мы пчъагъэм щыщэу гриппыр нэбгырэ шъищырэ тIокIищырэ пшIыкIуйрэмэ, свинойкIэ заджэхэрэр нэбгырэ шъитIурэ тIокIиплIырэ пшIыкIузырэмэ (291) къахэхьагъ.

МинитIурэ пшIыкIутфырэ (2015) илъэсым мыщ фэдэ уахътэм егъэпшагъэмэ а пчъагъэр процент тIокIищырэ пшIыкIутфырэм (75) ехъукIэ нахьыб. Сымэджагъэм азыныкъорэ сабыих.

Сымэджэщым чIэмылъхэу цIыфмэ пневманиер къанэсыгъэу хъугъэ-шIэгъэ шъийрэ шъэныкъорэм (850) ехъу агъэунэфыгъ. Мыщ фэдэ сымаджэмэ гъорекIом елъытыгъэмэ фэдищырэ пшIэнийрэкIэ (3,8) нахьыбагъ. Пневманием мыгъэ нэбгырэ пшIыкIущ (13) илIыкIыгъ.

Адыгеим ирадиo

(голосов: 1)

Опубликовал admin, 28-02-2016, 02:41. Просмотров: 1475

Другие новости по теме:

– АдыгеимкIэ миллион 230-м ехъу бизнес цIыкIумрэ гурытымрэ афатIупщыгъ
– Грипп бзаджэмкIэ Адыгеим щынагъо щыIэжьэп, еIо псауныгъэм икъэухъумэнкIэ ми ...
– Адыгеим игубгъохэр мацIэм зэлъекIух, хэбзэ къулыкъухэм IэпэIэгъу ящыкIагъ
– ХэкIотагъэмэ я Дунэе мафэм Адыгеим щыщ бэгъашIэхэм ащыфэгушIуагъэх
– Адыгэ Республикэрэ Пшызэ шъолъыррэ щыщ хьаджашIэхэм Адыгеим ащыпэгъокIыгъэх