Непэ гъэрэ кIырэ зыщызэхэкIырэ мафэшъ, адыгэу ЧIыхъураим тет пстэумэ сафэгушIо! Си ТхьэлъэIуи сэ, сибын, сигупсэхэм ямызакъоу, зыгу шIу илъэу Дунаим тетми апае Тхьэшхом фэсэгъазэ:
Ти Тхьэ!
Зы Тхьэ!
Тхьэшхо!
ЩыIэ пстэури зытетыр Хабзэшъ,
Хабзэм тетэу тыгъэм зыкъегъазэ.
Тыгъэм зыкъегъазэшъ,
Мафэр къыдакIо.
Мафэу къыдакIорэм
ШIугъэр кIыгъунэу,
ТIыщ фэтшIынэу,
ФэтшIыгъэр бэгъонэу,
Бэгъуагъэм зыдэтыунэжьынэу,
Тхьэшхоу тыкъэзыгъэшIыгъэм еIу!
Адыгэмэ ямэфэпчъкIэ илъэсыр къихьагъэу арышъ, пстэуми сышъуфэгушIо! ИлъэсыкIэ хъяр Тхьам тфешI!
Лариса Адалан
