Адыгеим илIышъхьэу КъумпIыл Мурат КАФФЕД-ым, анахь купышхо зэхэтэу Туркуем итым илIыкIохэу къэкIуагъэхэм заIуигъэкIагъ. ЗэдэгущыIэгъур зыфэгъахьыгъагъэр адыгабзэр, культурэр, экономикэр, инвестициехэр.
«Хэхэс адыгэхэм зэпхыныгъэ адытиIэным осэшхо фэтэшIы, – къыщеIо КъумпIыл Мурат Фэисбукым щыриIэ нэкIубгъэом. – Организацие анахь шъхьаIэу Тыркуем ис адыгэхэр зэфэзыщэу КАФФЕД-ым ипащэхэм непэ саIукIагъ. Лъэныкъо зэфэшъхьафхэмкIэ Iоф зэдэтшIэн тыгу хэлъ».
КъызэритхыжьрэмкIэ, хэхэс адыгэхэм тиреспубликэ иэкономикэ яIахьышхо халъхьанэу фаех ыкIи фэхьазырых. Республикэм иIэшъхьэтетхэри а Iофыр лъыкIотэным пылъых.
«Тэ талъэныкъокIэ, хабзэ зэрэхъугъэу, адыгэ Iофым зишIуагъэ езыгъэкIырэ гъэсэныгъэ ыкIи культурнэ проектхэм хэхъоныгъэхэр афэтшIынхэу пшъэрылъ зыфэтэгъэуцужьы», – къыщыкIегъэтхъыжьы республикэ илIышъхьэм игущыIэхэм якIэух.
facebook.com