Адыгэ Культурэм Игупчэ Хъурцэм икъэлэ шъхьаIэу Тбылыс дэтым хэлэжьэщтхэр къырегъэблагъэх хабзэ хъугъэ я V-рэ дунэе шIэныгъэ сессием.
Коронавирусым епхыгъэ пандемием къыхэкIэу Хъурцэ къэралыгъом щаштагъэ ошIэ-дэмышIэ щытыкIэмрэ гъэтхъыхьагъэхэмрэ къахэкIэу, сессиер мыгъэ тыгъэгъазэм и 25-26 мафэхэм онлайн-шъуашэм илъэу рекIокIыщт. Сессием итематикэ зэкIэ гуманитар шIэныгъэхэр къыхеубытэх мыщ фэдэ лъэныкъохэмкIэ:
«Лъэпкъ / Дунэе зэфыщытыкIэхэр Кавказым: тарихъ-политикэ, бзэ, культурэ, дин зыкIыныгъэхэр – тарихъым къырыкIуагъэхэр ыкIи джырэ уахътэм къыхиубытэхэрэр».
ШIэныгъэлэжьхэмрэ студентхэмрэ (бзэшIэныгъэлэжьхэр, тарихълэжьхэр, политологхэр, этнологхэр, жэрыIобзэлэжьхэр, диншIэныгъэлэжьхэр, культурологхэр, литературэмкIэ шIэныгъэлэжьхэр) яшIоигъоныгъэ къыхагъэщын алъэкIыщт сессием иIофшIэн хэлэжьэнхэмкIэ, ятезисхэр электрон шъуашэм илъхэу къырагъэхьын алъэкIыщт тыгъэгъазэм и 10-м нэс мы адрессымкIэ: circassianculture@gmail.com.
IофшIэгъу бзэхэр: хъурцабзэ, инджылызыбз, адыгабзэ, урысыбзэ.
Техническэ зэдэштэныгъэхэр: хъурцабзэкIэ тхыгъэм пае – Sylfaen (11), инджылызыбзэкIэрэ ыкIи урысыбзэкIэрэ тхыгъэхэм апае – Times New Roman (12), Word ыкIи PDf шъуашэм илъхэу. Тезисым хэт хьарыфхэр 600-м ехъумэ хъущтэп.
Егъэхъугъэ къэбарым пае зыфэжъугъаз: Тбылыс, 0105, ур. Санапиро 4; телефоныр: (032) 230 51 18; (598) 50 19 72.
circassiancenter.org