Натпресс
Китаим икъалэу Гонконг дунаим изэнэкъокъухэр ушумкIэ щыкIуагъэх. Урысыем ихэшыпыкIыгъэ командэ хэтхэу Адыгэ Республикэм иныбжьыкIэхэр апэрэ чIыпIэхэм афэбэнагъэх. Дышъэу медали 7, тыжьынэу медали 7, джэрзэу 2 тибатырхэм къыдахыгъэх.
Адыгэ Республикэм гъэсэныгъэмрэ шIэныгъэмрэкIэ и Министерствэ и СДЮСШОР ушумкIэ зыщызагъасэхэрэм, медальхэр къызыфагъэшъошагъэхэм афэгъэхьыгъэ пресс-зэIукIэр еджа¬пIэм гъэшIэгъо-нэу щыкIуагъ. СДЮСШОР-м идиректорэу ХьакIэмызэ Аслъан, тренер-кIэлэегъаджэхэу Владимир Васильченкэмрэ НэмытIэкъо Аскэррэ спортсменхэр зэрагъасэхэрэр, Китаим зэнэкъокъухэр зэ-рэщыкIуагъэхэр, спортым пIуныгъэ мэхьанэу иIэм зыкъы¬зэриIэтырэр, Адыгэ Республикэм ибыракъ Китаим зэрэща¬гъэбыбэтагъэр, чIыпIэ гъэшIэгъонхэу къалъэгъугъэхэр, нэмыкIхэри къаIотагъэх.
СтIашъу зэшхэу Ерыстэмрэ Ислъамрэ, Иван Шевченкэм, Даниил Рубинчик къахьыгъэ медальхэр япчъагъэкIэ бэ мэ¬хъух. Ар УФ-м ихэшыпыкIыгъэ командэ итренерхэм агъэ¬шIагъо.
- ТикIалэхэр дэгъоу еджэх, спортым яшъыпкъэу пылъых, - еIо ХьакIэмызэ Аслъан. - Тигуапэу нэпэеплъ шIухьафтынхэр афэтшIыгъэх. Ныб¬жьыкIэхэм ушум зыфагъэсэным фэшI Мыекъуапэ иеджапIэхэм зэзэгъыныгъэхэр адашIыхэу фежьагъэх, секциехэр къызэIуа¬хы¬щтых, тренер дэгъухэри къыхахыщтых.